కెప్టెన్ పొరపాట్ల వల్లే ప్రమాదం 

కోస్టా కోన్‌కార్డియో యాజమాన్యం 85 మిలియన్ల యుఎస్ డాలర్ల నష్టం 

         గిగ్లియో ఐలాండ్, జనవరి 16: ఇటలీ సమీపంలో సముద్రంలో ఒరిగిపోయిన లగ్జరీ నౌక కోస్టా కాన్‌కోర్డియా ప్రమాదానికి కారణం కెప్టెన్ అని షిప్ యజమాని విమర్శించాడు. ఈ ప్రమాదంలో ఆరుగురు మృతి చెందిన విషయం తెలిసిందే. 4,200 మంది ప్రయాణికులతో వెళ్తున్న లగ్జరీ నౌక దారితప్పి తీరానికి చేరువగా వచ్చేసింది. సముద్రం దిగువున నేలతగలడంతో బహుళ అంతస్తుల నౌక ఒక పక్కకు ఒరిగిపోయింది. లైఫ్‌జాకెట్లు ద్వారా ప్రయాణికులు ప్రాణాలు దక్కించుకున్నారు. మిగతావారిని సహాయక బృందాలు బోట్లలో గిగ్లియో ద్వీపానికి సురక్షితంగా తరలించారు. సహాయ బృందాలు రేబంబవళ్లూ గాలించి ఒక మృతదేహాన్ని కనుగొన్నారు. శుక్రవారం అర్థరాత్రి నౌక ప్రమాదానికి గురైంది. సుమారు 15 మంది ఆచూకీ ఇప్పటికీ తెలియడం లేదని ఇటాలియన్ వార్త సంస్థ ‘అన్సా’ తెలిపింది. గల్లంతైన వారిలో ఇటాలియన్లు, అమెరికన్లు, ఫ్రెంచ్ జాతీయులున్నారు. కెప్టెన్ పొరపాట్ల వల్లే ప్రమాదం జరిగిందని కాన్‌కోర్డియా యజమాని ధ్వజమెత్తాడు. అత్యవసర సమయంలో తీసుకోవల్సిన జాగ్రత్తలు విస్మరించడం వల్లే ప్రమాదం సంభవించిందని ఆయన ఆరోపించాడు. కెప్టెన్ ఫ్రాన్సిస్కో స్కాట్టినోపై కఠిన చర్యలు తీసుకుంటామని ఆయన అన్నాడు. కెప్టెన్‌ను శనివారమే అరెస్టు చేసినట్టు విచారణాధికారి ఫ్రాన్సిస్కో వెరూసియో తెలిపారు. తాము ఎన్ని జాగ్రత్తలు చేప్పినా కెప్టెన్ పెడచెవిన పెట్టాడని కోస్ట్‌గార్డ్ అధికారులు వెల్లడించారు. సహాయ కార్యక్రమాలు కొనసాగుతున్నాయి. కోస్టా కాన్‌కోర్డియా నిర్దేశించిన మ్యాప్ ప్రకారం వెళ్ళలేదని, కెప్టెన్ బాధ్యతారాహిత్యం వల్లే ప్రమాదం చోటుచేసుకుందని వెరూసియో పేర్కొన్నారు. నౌక సిబ్బంది నిర్లక్ష్యాన్ని దర్యాప్తు అధికారులు తప్పుపడుతున్నారు. ప్రమాదం జరిగి గంట సేపయినా ప్రయాణికులను రక్షించే ఏర్పాట్లు చేయలేదన్నారు. 17 అంతస్తుల నౌకలోని ప్రయాణికులు హాహాకారాలు చేస్తున్న సిబ్బందిలో చలనం లేదని ప్రమాదం నుంచి సురక్షితంగా బయటపడ్డ పలువురు ఆరోపించారు. ఇలా ఉండగా ఈ ప్రమాదం వల్ల 85 నుంచి 95 మిలియన్ అమెరికన్ డాలర్ల నష్టం వాటిల్లినట్టు ప్రాధమిక అంచనా. ప్రమాదంలో చిక్కుకున్న ప్రయాణికులు, సిబ్బందిని కాపడడమే లక్ష్యంగా తాము పనిచేశామని కోస్టా కాన్‌కోర్డియో నౌక యాజమాన్యం కార్నివల్ కార్పొరేషన్ స్పష్టం చేసింది. మృతుల కుటుంబాలకు సంస్థ ప్రగాఢ సంతాపం తెలిపింది.

Costa Concordia accident

Costa Concordia- Video Inside the ship, minutes before sinking

Nave Costa Concordia di Costa Crociera

BEFORE 13-1-2012

కేవలం Rs.999/-కే 3G మోడెం 3GB ఉచిత డేటాతో పొందడం ఇలా!

కేవలం Rs.999/-కే 3G మోడెం 3GB ఉచిత డేటాతో పొందడం ఇలా!

ఆశ్చర్యంగా ఉందా?

ప్రస్తుతం మార్కెట్ లో అయిర్ సెల్ కంపెనీ కేవలం Rs.999/-కే 3GBఉచితడేటాతో నెలరోజులపాటు వాడుకొనేవిధంగా 3Gడేటా కార్డులు ఇస్తోంది...వీటిని ఆ నెట్వర్క్ తప్ప మరో దానిలో సిగ్నల్ రాకుండా లాక్ చేసేసారు. నెలతర్వాత వీటిని 3Gఆఫర్లతో మళ్ళీ రీచార్జ్ చేసుకోవాలి. ఈ రేట్లు ఇలా ఉన్నాయి.
3GB -Rs.625/-
10GB - Rs.1250/-
నార్మల్ గా : 15ps/20kb

అంటే మొదటినెల తక్కువకేఇచ్చినట్లిచ్చి రెండోనెలనుండీ వారి డేటా రేట్లతో మనపై రుద్దుతారన్నమాట..!
ముందుగా ఆ డేటా కార్డ్ ప్రత్యేకతలు తెలుసు కుందాం.

• 2G/3G కంపేటిబుల్
• మెమొరీ కార్డ్ పెట్టుకోవచ్చు.
• మెస్సేజ్ లు కంప్యూటర్ నుండే పంపొచ్చు.
• కాల్స్ కంప్యూటర్ నుండే చేయోచ్చు.
• డేటా యూజేజ్ చెక్ చేసుకోవచ్చు.

ఇక 2G లో నైతే రేట్లు చాలా తక్కువకు ఉన్నాయి. 3GBడేటా కేవలం Rs.99 కే లభిస్తుంది.
ఇంతకీ చెప్పొచ్చేది ఏమిటంటే ఈ డేటా కార్డ్కి ఉన్న లాక్ మార్కెట్ లో, మనం డేటా కార్డ్ తీసుకున్న దగ్గరే Rs.100/- కు తీసి ఇస్తున్నారు. ఆతర్వాత మనం ఏ SIM (2G లేదా 3G ) అయినా వేసుకొని ఎంచక్కా వాడుకోవచ్చు. ఇదే డేటా కార్డు మనం విడిగా కొనాలంటే దాదాపు Rs.1500 - Rs.2000 ఉంది.
కాకపొతే ఈ లాక్ తీస్తే దాటా కార్డ్ వారంటీ పోతుంది. ఉచిత డేటా ని రద్దుచేసే అవకాశం ఉంది.
కనుక నెలరోజులు ఉపయోగించాక ఈ లాక్ మీ అంతట మీరే చాలా ఈజీ గా తీసేయవచ్చు .
వారంటీ పోయినా పర్వాలేదనుకున్న వాళ్ళు ఇక చదవండి:
ఈ క్రింది లింక్ పై క్లిక్ చేయండి .**** అని ఉన్న చోట మీ కార్డ్ యొక్క 15 అంకెల IMEI నంబర్ని మార్చి ఎంటర్ చేయండి.

http://www.bb5.at/huawei.php?imei=*****

ఎప్పుడు క్రింది విదంగా మీ లాక్ కోడులు వస్తాయి ...

IMEI: 355013047996155

Entsperren / Unlock: 44728452
Flashen / Flash: 53954783

(c) SERGEY/MKL 2010



unlock: అని ఉన్నదే మీ లాక్ కోడ్ .

ఇప్పుడు మీ డేటా కార్డ్ లో వేరే SIM ( aircel కానిది ) పెట్టి పోర్ట్ లో డేటా కార్డ్ పెడితే ఆటోమేటిక్ గా లాక్ కోడ్ అడుగుతుంది. అప్పుడు పైన వచ్చిన లాక్ కోడ్ ను ఎంటర్ చేస్తే లాక్ ఓపెన్ అయినట్లే ..
లాక్ కోడ్ కనుక 8 సార్లు కన్నా ఎక్కువగా తప్పుగా ఇస్తే మొత్తం లార్డ్ బ్లాక్ అవుతుంది.
చివరిగా ఓ విషయం: మార్కెట్ లో Rs.100- Rs200 మనదగ్గర లాక్ తీయడానికి గుంజుతున్నారని ఈ విషయం చెప్పా గానీ ఇలా చేయడం నిజానికి నేరం కావచ్చు. తర్వాత మీ ఇష్టం.
ఎంతయినా మన జాగర్తలో మనం ఉండాలిగా .

ఫేస్ బుక్ లో నకిలీ ‘రాఘవులు’

మొన్న ముఖ్యమంత్రి కిరణ్ కుమార్ రెడ్డి పేరుతో ఫేస్ బుక్ లో నకిలీ అకౌంట్ తీయడం, అది మీడియాలో రావడం, తరువాత ముఖ్యమంత్రి కార్యాలయం దానిని ఖండించడం తెలిసిందే. అయితే తాజాగా సీపీఎం రాష్ట్ర కార్యదర్శి బీవీ రాఘవులు పేరుతో సోషల్ నెట్ వర్క్ వెబ్‌సైట్ ‘ఫేస్‌బుక్’లో రెండు ఖాతాలు వెలుగు చూశాయి.

రాఘవులుకు తెలియకుండానే ఆయన పేరిట రెండు అకౌంట్లను గుర్తుతెలియని వ్యక్తులు నిర్వహిస్తున్నారు. వికీపీడియా నుంచి తీసుకున్న సమాచారంతో ఫొటో లేని ఒక అకౌంట్, ఫొటోతో మరో అకౌంట్ నడుస్తున్నాయి. తొలి అకౌంట్‌లోని ప్రాథమిక సమాచారం కొంతమేరకు సరిగానే ఉన్నా ఆయన అలవాట్లు, అభిరుచులను తప్పుగా నమోదు చేసి చలామణిలో పెట్టారు. పుట్టిన తేదీ సహా చాలా తప్పులున్నాయి. తనకు ఇష్టమైన సంగీతం విప్లవమని, పుస్తకం పుచ్చలపల్లి సుందరయ్య జీవిత చరిత్రని, ఇష్టమైన చానల్ ఏబీఎన్ అంటూ ఇష్టానుసారం రాసిపెట్టారు.

ఈ చర్యలను సీపీఎం రాష్ట్ర పార్టీ ఖండించింది. రాఘవులుకు అసలు ఫేస్‌బుక్ అకౌంటే లేదని, దాన్ని ఎవరు నిర్వహిస్తున్నారో తెలియదని వివరించింది. ఫేస్‌బుక్‌లో ఉంచిన ప్రసంగ పాఠాలు ఆయనవి కావని పేర్కొంది. దీనిపై ఫేస్‌బుక్ నిర్వాహకులకు ఫిర్యాదు చేయనున్నట్టు తెలిపింది.

తెలుగు వెబ్‌సైట్లకై శోధన

Image

లక్ష్యం:

అత్యంత సులువుగా తెలుగు వెబ్‌సైట్లను గూగుల్‌లో వెతకటం ఎలా?

గూగుల్‌లో మీకు కావలసిన అంశంపై, ఏ ఏ "తెలుగు" వెబ్‌సైట్లు ఉన్నాయో వెతికే అవకాశం ఉంది.

దానికి సులువైన మార్గం ఈ లంకెకు వెళ్ళి ఇంగ్లీషులో టైప్ చేయటం. కానీ ఫలితాలు తెలుగులో ఉంటాయి.

మీరు టైప్ చేసే అక్షరాలకు మంచి ఫలితాలు కావాలంటే, ఈ లంకెలో ఉన్న బొమ్మను చూడండి. అది చూస్తే, ఏ కీ నొక్కితే ఏ తెలుగు అక్షరం వస్తుంది అన్న విషయం మీకే అర్థం అవుతుంది. తెలుగులో కనిపించే సైట్లు అన్నింటినీ తెలుగులో చూడాలి అన్నటైతే ఈ లంకెలో ఉన్న విధానాన్ని పాటించండి